~台灣之旅Part 2~

參加完靈糧堂舉辦o既導師研討會，我同華華、Rachel同埋Esther四個人留咗係台灣多兩三日，打算周圍行下。結果第一日送咗其他人去打車去機場後，我地就向淡水出發。點解會再去多一次淡水？係因爲第一晚去o既時候好匆忙，根本冇機會睇野，所以我地決定再去一次。

搭捷運去o既途中，突然落起大雨~~~~~~~~~不過雨水都冇影響到我地o既心情，我地四個人由淡水舊街街頭行到街尾。跟住雨開始慢慢停，到咗黃昏，雨已經停晒，結果我地欣賞到淡水o既黃昏景色，真係好靚，影咗好多黃昏o既景。

去完淡水，我地去咗士林夜市，好多野行，好多野食，好多野睇~~~~~ 後來去咗一間餐廳飲野，因爲我地要非吸煙區，所以結果我地係去咗一間貴賓房，成間房的我地四個女仔，好開心，傾咗好多野~~~~~~

第二日，原本諗住去九份，但係因爲車程太耐，所以最後我地只係去咗西門町，跟住5點去咗靈糧堂o既青年崇拜。係崇拜完咗之後又再去靈糧書房買書，買cd等..... 夜晚返到宿舍，我地幾個都好似散咗，好攰~~~~~ 係飲水機面前想買野飲，但係我地幾個o既零錢加埋都唔知夠唔夠買一罐，不過後尾我地買買下，係買到四罐野飲，仲有八蚊台幣剩！

最後一日，我地去咗參加靈糧堂o既兒童崇拜，之後亦都睇咗佢地分組o既情況，好深o既印象就係辦小朋友真係好自律，佢地唔會走去同隔離組d人度玩，但係隔離組個時可能係玩緊遊戲，兩組之間重要係冇野隔住！

不過我同華華趕住去機場，所以冇留到成個聚會完結就走咗~~~~~~~

返黎香港段旅程都算順利，雖然之前因爲飛機遲飛而擔心會見唔到各日離開香港o既媽咪，不過感謝神，我都有機會係機場見到佢，亦都有機會親口同佢講我o既決定！