~台北靈糧堂海内外兒童事工研討會- 牽動時代的你 觸發神國新活力~

Day 0

第一日，飛機準時起飛，我、華華、阿Pam同埋Esther(筲箕灣浸信會o既姐妹）一起飛往台北，準備參加由台北靈糧堂舉辦o既海内外兒童事工研討會。到咗台灣，第一樣野就係要去公務員訓練中心（簡稱公訓中心）放低行李。不過阿Pam以爲d房o既鎖匙係靈糧山莊，所以我們先去咗靈糧山莊。點知去到靈糧山莊，鎖匙根本唔係個度，但係個時已經係六點幾，我地一路由機場坐車出台北車站再轉捷運，每個人都好攰，加上飛機餐一d都唔好食，所以一去到靈糧山莊，我地個個都已經唔想再行啦。不過好感謝神，靈糧山莊裏面有位姐妹知道我地o既情況之後，好好人o甘載我地出去買晚餐，跟住再揾另一位姐妹載我地上公訓中心。好彩有人載我地上去，因爲雖然戯靈糧山莊附近就有一條樓梯上去，但係如果要攞住d行李行上去，都幾攞命。結果當日到達公訓中心是已經係10點幾啦。為咗預備自己第二日上堂，我地沖完涼之後好快就瞓lu........

Day 1

研討會o既第一日，好震撼的一件事，他們每一樣也都係由兒童負責！無論係領詩、彈琴、小提琴等等，都係由兒童（或少年人）負責，大人們大多都只是做輔導o既工作。而且我必須承認一件事，就係佢地帶o既敬拜讚美真係要比打人帶o既好好多。係當中我真係感受到神o既同在。朱施美妃牧師o既第一堂信息係講《陪孩子多走一哩路》。聼完呢個信息，比咗我好大o既啓示，究竟我地身為兒童事工o既同工，我地願唔願意為呢班孩子多行一哩路呢？孩子們不再會滿足于依家o既情況，因爲神要喚醒呢一班小朋友，亦要大大o甘使用呢班小朋友，因此，我地兒童事工者要幫助呢班小朋友，帶佢地去到神o既至聖所裏面，讓神o既靈大大o既充滿佢地。

一直上堂上到5點幾，之後靈糧堂安排咗一個旅遊導引比我地唔係住係台北o既弟兄姐妹去參加，今日係去淡水。有靈糧山莊去到淡水大概需要一個鐘頭車程，不過好彩有華華佢地個個一齊，所以唔會悶，同埋靈糧堂揾咗一班青年區o既弟兄姐妹陪我地去，佢地有幾個都幾好人，有一個知道我地o既香港人之後就成日同我地一齊，因爲佢啱啱冇耐之前o黎過香港，所以對我地好有親切感，佢亦係約書亞使團裏面o既吉他手！估都估唔到我地會識到佢。淡水o既夜景都幾靚，不過如果要同香港夜景比，都真係差d（連冠民都係o甘覺得）不過因爲我地冇太多時間，所以冇真係好好o甘去欣賞淡水o既夜景同埋美食。

Day 2

今天最大o既得著係係食完晏之後個兒童禱告興奮會。係當中見到一班小朋友用腰鼓、旗舞等去敬拜我地o既神，感覺真係好好，整個地方都充滿住神o既同在，睇到佢睇個個都真係用心靈取敬拜，去跳舞讚美神，我地所有人都忍唔住一起跳起來，揚聲、歡呼、呐喊，敬拜我地o既神。參加完禱告興奮會之後，我上咗一堂動態禱告o既課程。禱告今後唔再係死死的，悶悶的了！禱告可以係充滿活力的！

夜晚又係跟靈糧堂o既旅遊導引去咗台北101。其實個度冇咩行，都係商場，重要係高檔o既商場，不過好在今日係行商場，因爲落好大雨！我同華華因爲係教會個時冇胃口，所以去到台北101先揾野食，不過都好，如果唔係，我地就冇機會試到台灣o既野食啦。

Day 3

呢一日係非常重要o既一日，亦係我一定會記得o既一日，因爲係呢一日我做咗一個非常重要o既決定。神呀，我一定會記得當日我係行出個一步o既時候所作出o既決定，雖然我唔知之後o既使會點發生，但係我知道袮一定會帶領我！

今日上咗幾堂對我o黎講非常有用o既堂，包括《如何帶領兒童敬拜》同埋《暖場與宣言》，學到好多新o既野！

Day 4

呢日係研討會o既最後一日，夜晚o既祈禱會更係成個研討會o既高潮！睇到所有o黎自唔同地方o既人一起禱告，仲有孩子們o既禱告，全部成爲一股很強大o既力量，將撒旦徹底o甘打敗！成個研討會結束後，香港去o既八間教會的弟兄姐妹們都聚集埋一起，有段分享同埋一起祈禱o既時間。

成個研討會結束了，係當中學到好多野！以下兩首歌係我參加完呢個研討會之後對神作出o既回應：

《在陶匠手中》(The Potter's Hand)

榮美的主 奇妙的救主

我深知道 我一生年日

在你手中 完全照你榮耀計劃

輕聲呼喚我 進入你同在

你的聖靈 指引我道路

主教導我 透過你的眼光為你活

我降服在你聖潔呼召 分別自己

我知你吸引我

就近你懇求主帶領

磨我 塑造我

用我 充滿我

獻上生命在陶匠手中

召我 指導我

領我在你身旁

獻上生命在陶將手中

《主我獻上生命給你》

主我獻上生命給你

用我一切經歷 來榮耀你聖名

主我獻上生命給你

願我讚美升起 能成爲馨香活祭

我獻上生命給你