~開往水深之處 + Jump into Chaos!~

今日牧師講道，話神可能唔止一次呼召我地，因爲我地好可能係第一次之後，會因爲唔夠信心而退縮，亦有可能想反悔，但係神會不停呼召我地，直到我地真係全然委身，將自己擺上。同埋牧師亦都講到話我地唔應該習慣係某一個環境，因為當我地習慣係某一個環境之後，我地好可能就會因爲自己係呢個環境裏面o既經驗，令到自己停頓，唔再依靠神。因此我地要離開我地自己所熟悉，所習慣o既環境，開往水深之處，係個度經歷神。呢篇道，有d似我好耐以前聼過o既一篇道，題目係"Jump into Chaos"，意思係要我地不停o甘將自己擺係水深火熱o既地方，係個度經歷神。Chaos可以解作混亂，因此我地要係混亂當中尋找神，依靠神，信靠神！Jump into Chaos同埋開往水深之處，都係要我地唔好滿意係呢do甘安穩同埋安全o既situation，但係要去自己唔習慣o既環境裏面去尋求神！

最近開始諗緊好唔好再收人入旗鼓隊，不過今次o既對象應該會係小朋友而唔係青少年。因爲我覺得教會裏面一班小朋友都應該有機會係呢方面去侍奉神，同埋我想話俾一班大人聼，小朋友都可以去侍奉神，同埋佢地o既適逢都係大有能力o既！我發覺好多時候我地大人都會覺得小朋友唔識咩野係侍奉，但係我覺得唔係，小朋友雖然係細，但係佢地愛神o既心絕對唔會輸俾我地大人。（有時可能仲多過我地大人添）跳舞係用我地o既身體動作去敬拜，亦可以係一種expression of love for God，而我相信小朋友亦都可以透過跳舞去親近我地o既神。已經同牧師講過下有關o既事，牧師都好贊成呢樣野，不過中有好多野要安排同埋諗。所以我估遲少少我會再同牧師傾傾。不過傾之前，都有好多野要諗。同埋要不斷祈禱~~~~~~~~~~~因爲我唔想呢樣野成爲我自己o既主意，而要係神o既主意！