~感謝神~

呢幾日睇番晒我今個學期d courses o既midterm時間，原來我d midterm全部都逼埋晒一齊(14/10, 21/10, 23/10, 25/10, 28/10)，再加上CCFYP presentation(29/10)，睇黎我十月都會忙到發癲。不過要感謝神o既係，已經出咗新一期兒童崇拜o既領詩時間表，我九月同十月都唔需要領詩，到十一月尾先要再領詩，十月我只需要帶一次禱讀就得啦。o甘樣起碼有一方面我唔會太忙，如果唔係我真係驚到時我會頂唔順。

尋日係教會同一班兒童導師舉行咗一個兒童敬拜及禱告更新分享會。真係好感謝神，雖然我地預備o既時間好短，但係真係感受到神o既同在！同埋之前我同華華都一直擔心班老師會唔會接受我地分享o既個一套敬拜方式，會唔會肯為呢班小朋友去多行呢一哩路，會唔會覺得麻煩。但係其實原來我地係唔需要為呢d事去擔心，因爲神已經預備好呢一班老師o既心，佢地都好接受，甚至有d導師希望我同華華可以同佢地分享多d，又或者係將我地d詩歌o既動作錄影咗，等佢睇可以借返屋企練習。好好好感謝神，因爲只要一班老師願意，我相信好快，神復興o既靈就會臨到佐敦堂o既一班小朋友身上！

另外有一件事好感謝神，就係感謝神比我一對好體諒我，同埋不斷為我禱告o既爹地同媽咪，我相信如果唔係有佢地兩個不斷o既代禱同埋支持，我估到依家我仍然會唔清楚自己將來o既方向。佢地兩個從來唔會強逼我去做一d決定，只係會係一d重要o既決定上比我一d提醒，要凡事依靠神。媽咪尋日同我講，佢地其實已經完成咗神俾佢地o既責任啦，以後佢要放手，（唔係話佢地唔再理我，而係當佢地將我放係神面前o既時候，就要放手，由神去繼續帶領我）。不過當然佢地會繼續不停為我代禱啦！因此，我要感謝我o既神，因爲如果我爹地媽咪唔係o甘，我可能會遇到好多好多問題，同埋會同佢地有好多衝突。 （點解我會突然提起呢件事，其實係因爲某d事，不過係呢度唔係好方便寫出黎，如果想知，就自己問我啦）