19/10 - 重陽節

伍家係每一個節日都會做節的~~~~ 今年o既重陽節先係嫲嫲屋企開大食會，之後去拜爺爺（來回車程要1小時，等車要1小時，但係拜阿爺只係用左5分鐘！！），夜晚再係金山食飯~~~

之前一直都好少講自己屋企，不過我真的感恩，因爲神讓我係一個充滿著愛o既家庭裏成長。伍家，可以話係一個大家族，我有5個伯父，一個姑姐，總共有13位堂兄弟姐妹~~~~但係我地從來都冇吵架，每次見面都係開開心心，吵吵鬧鬧~~~~之前我一個人由新加坡返黎讀書，佢地個個都好照顧我，令我又得一對父母，變左有7對父母~~~~

除作伍家，陳家亦都係一個大家族，我有5個姨媽，3個阿姨同一個舅父，表兄弟姐妹有16人~~~~ 不過同伍家一樣，都係冇爭吵，次次見面都係非常融洽，開心~~~~

有好多朋友都問我點解我有o甘多節要做，可唔可以唔去，我覺得冇咩比親情更可貴，所以我會選擇出席家庭聚會多於朋友聚會呢~~~~

我感謝神，俾我可以成爲呢兩個大家族o既一分子！