26/9 - 塔門之旅

26/9 - 中秋節翌日假期，約咗小組一班組員去塔門遊玩~~~~~原本有十幾人，不過最後病o既病，有野做o既有野做，唔知醒o既唔知醒~~~~ 結果最後得十個人~~~（當中有兩個係我組員o既媽咪同姨媽）

九點半係彩虹集合，個個都好準時！入到去西貢都係十點~~~~西貢等齊人，就搭車入黃石碼頭~~~~之後再搭船~~~~好感恩，因爲我地冇miss到d車/船，如果唔係我地要慢慢等（車係每半小時一班，船係每小時一班）

入到去塔門，先食咗午餐，因爲華華話離開碼頭之後就會冇野食，所以一定要食咗野先。食飽飽，開始我地遊塔門之旅~~~~ 慢慢行上一級級樓梯，之後再行過一條長長o既小路~~~~ 就到達我地o既第一個景點~~~ 平原~~~

係平原，有好多好多牛，感覺好舒服，好似去咗外國d草原一樣~~~~ 係草原望落去，一片無敵大海景！！！！

大家係平原上面影完相，落咗去石灘繼續影相~~~~ 不過近海o既石頭好滑，要好小心~~~~

原本仲想繼續行埋之後o既路程，不過由於之後有其他野做，所以原之前o既路行返落碼頭，趕搭3點o既船返黃石~~~~

估唔到香港仲有d o甘靚o既地方~~~~ 能夠去到do甘靚o既地方，放假都有早起係值得o既~~~~ 不過另一個代價就係我被太陽曬到變咗隻燒豬~~~~

23/9 - House Warming

今日請咗牧師同貞姨兩家人黎House Warming，冇咩時間預備~~~~~ 結果整咗個好簡單o既皇后布甸~~~~ 第一次用阿聰屋企o既焗爐，好驚會焗燶野~~~~ 好彩冇事~~~


個晚班細佬都玩得好開心~~~~ 多謝師母同貞姨幫手收拾~~~~