~小猫寻家记~

今日一早，係睡梦中比阿爸阿妈叫醒~~~~~~
出门一望，点解屋企会多左隻猫咪？！仲要同妹珠差唔多样？！阿爸阿妈话隻猫自己走入黎我地屋企~~~~~
因为爹地妈咪赶住要返工，所以我地用妹珠以前o既袋袋住隻小猫咪先~~~~

猫咪猫咪，你屋企係边呀？

同细佬讨论左一阵，大家都觉得应该係我地屋企附近o既人养o既，同埋应该係楼上，因为根据猫咪o既大小同埋行路o既模样，隻猫咪应该只有2-3个月大，应该未识爬上楼梯，所以应该係楼上走落黎~~~~~~

因为唔知猫咪o既来历，所以将猫咪同妹珠隔离，一来担心猫咪可能有细菌会传染妹珠，二来妹珠对陌生o既猫咪非常不友善，不停fee猫咪，所以惟有将猫咪放在厕所。

入到厕所，第一时间同猫咪冲凉~~~~猫咪应该未试过冲凉，叫得好凄厉~~~~~，总算冲完凉，等它的毛毛干了再放回袋子里。之后落楼买牛奶，因为屋企冇幼猫糧，只好买奶先，之后叫细佬去买幼猫粮~~~~~

等厕所地下干了再把猫咪放回去，猫咪好似好惊我呢！可能因为我逼佢冲凉啦，佢一直係凳底唔肯出黎，直到我抱佢去碗牛奶旁边，佢先肯饮d奶~~~~


小猫咪，唔使惊~~~~~ 有野食呀，你出黎啦~~~~

小猫咪饮完奶之后唔肯留係厕所，一直要出黎，係我屋企走黎走去，一d都唔惊妹珠。相反，妹珠见到猫咪就不停fee fee fee.......好恶死~~~~~

爹地妈咪放工返黎都有同隻小猫咪玩左一阵，经过一家人讨论后，决定食完饭之后帮小猫咪找回主人~~~~~

小猫咪，你放心，我地会帮你揾返主人gar~~~~

食完饭，我将小猫咪放入袋里面，跟住就开始带佢去寻家啦~~~~~
感谢神，我揾左两家就揾反小猫咪o既屋企啦~~~~佢主人见到佢o既时候开心到差d喊~~~~ 我都好明白呢个主人o既心情，我相信如果妹珠唔见左，我地都会担心到喊~~~~~

小猫咪，你下次要乖乖地，唔好乱走啦~~~~~