04/11/2007 與網友相聚的一天 BBQ@白石俱樂部

期待已久的一天~~~~~

之前一晚興奮到訓唔著:P~~~約左3點係客務服務中心等，去到只有我同阿聰，仲有wing姐同希希，等左好耐，原來班人係廣場外=.=" 等齊人就出發去白石俱樂部，先去搭馬鐵，原本上唔到個班車，點知孖B男友竟然用手阻住度門！最後順利搭到個班車~~~ 去到馬鞍山，剛剛趕到3.50pm班接駁巴士，真好！

希希未去到就已經訓左！肥B就玩得好開心呢！去到白石，一班人圍住張枱，討論買幾多野食，場面有d似一班軍人係度討論作戰大計~~~


買完野食，等緊野食o既時候，肥B訓左係枱上面玩，真係嘆~~~~~


燒野食~~~ 覺得白石d野偏貴，同埋份量少。一磅一袋o既牛扒只有一塊=.=",珍寶雞中翼d雞翼一d都唔珍寶（比我平時屋企食o既雞翼仲細）~~~~ 我地21人，叫左一隻乳豬燒，孖B男友燒豬o既技術一流，可以係街市開返間燒臘鋪啦^^


燒左3個鐘，因爲阿聰要早d返屋企搵工，結果我地7點就走左~~~ 好在boyboy有車車我地出去，唔係都唔知點算好~~~~


其實o甘大個女，我都係第一次同一班素未謀面o既人一齊出去玩（當然有d之前見過），之前我一直都冇玩forum呢樣野，係今年阿聰買左屋之後，我先開始有留意~~~~ 最初都只係睇，到後來開始發言，慢慢同網友熟，到日日上網傾計，跟住仲可以一班人一齊出去玩，真係好難得~~~~


希望之後有機會可以係屋苑裏面同大家碰面，同埋係我走之前再見面呢~~~~