~第三屆兒童少年敬拜讚美營會~

我初三到初五入咗camp，參加第三屆兒童少年敬拜讚美營會。本身我應該係去上堂gar......但係我係年廿九先知道原來我要幫手做翻譯。我被派到去九嵗及以下個一組度翻譯。個度有百幾個小朋友呀！天呀，第一堂，因爲冇mic用，結果講到聲沙~~~~~~ 好彩一日都只係需要翻譯一堂，如果唔係，冇聲都似！

今次去到營會，最開心係可以見番一班一齊去台灣o既弟兄姐妹：Rachel姐,阿愛 , Noel同埋張姑娘等等。。。。既然有機會見面，當然約出黎夜晚傾計啦。只從11月之後，我同華華都冇再見過Rachel姐同埋阿愛啦。各晚傾咗好多野、亦都為到Rachel去祈禱。亦都係個晚，出現咗阿華田、益力多同埋維多C呢幾個terms...........

係營會裏面識到好多小朋友（記得名字o既有：亭欣、善萄（張姑個仔）、加慧、張姑個侄女、逸丰等等），亦都有好多小朋友主動黎識我~~~~~~好似Rachel姐間教會d小朋友o甘，我都係見過佢地一兩次，但係佢地個個都認得我，亦都知道我叫淑媛姐姐。班小朋友個個都好得意gar...........雖然有d都幾頑皮，但係係個幾日裏面見到佢地越黎越認真去敬拜，真係好開心！