~年三十、年初一、年初二~

今年爸爸媽媽同細佬都有返黎過新年，好開心！

年三十，係嫲嫲度食完團年飯，但係因爲唔想o甘早返婆婆度，所以留咗係嫲嫲都同阿哥、阿嫂、家姐、阿俊同埋晞媛打機。玩到11點幾先自己返婆婆度~~~~~~

年初一，嫲嫲話9點半到10點要到。我9點9去到，竟然係第一個！我之前個晚係比較遲走個個黎gar bor........竟然都可以係第一個到~~~~~ 之後係團拜~~~~哈哈哈，今年好開心，因爲有多兩封利是抖（因爲阿哥結婚了！！！！）點知，因爲今年係阿嫂第一年入門，要斟茶比d叔老爺、叔奶奶等等，o甘我同我家姐兩個幫手托茶盆、糖果盆等等，結果又有多幾封利是~~~~heee..........

團拜完，當然係去YMCA是自助餐啦。個日因爲伯父有個外國黎o既朋友，結果我要同個個外國人同埋佢o既家人坐，冇得同家姐佢地坐，不過算啦，有詩媛陪我，都okie.......

食完飯，同爸爸媽媽去咗搵Ivy 同埋Liz Poon，因爲佢地兩個黎香港參加初三到初五個個營會。 同佢地去咗山頂，之後我地送咗佢地返酒店，我地就入咗去姑婆度食飯。姑婆好犀利呀，整咗兩個盆菜！好好味！不過我已經連續食咗三日盆菜啦~~~ 好肥呀~~~~><.............

年初二，原本要同爸爸媽媽出去帶ivy同liz poon出去，但係我想留係屋企，因爲我中意一大班人一齊拜年個個感覺。好熱鬧，好開心！夜晚去咗食自助餐（我新年o既每一餐都離唔開盆菜同自助餐...........）食到一半，走咗去酒店d窗度睇煙花，好靚呀！食完自助餐，我就同咗爸爸媽媽同埋細佬入烏溪沙，因爲初三要入camp mah..............