~返工、執野~

已經有個幾星期冇寫日記啦，點解會o甘耐？？？ 因爲我依家搬咗番婆婆度，個度冇得上網， 所以唯有得閒先過舅父度上網。

返咗打字呢分工都有兩個星期啦，只有一個字去形容：悶！ 每日對住部電腦八個鐘，對眼真係好辛苦~~~~~~~ 仲有就係同office裏面d人唔熟，佢地每日都係講政治，可能我本身對呢個topic冇咩興趣，所以永遠都答唔上嘴~~~~ 自然就唔會同佢地有d咩溝通啦~~~~~~~~

呢幾個星期都不停係度執野，因爲婆婆間屋由星期一開始裝修，所以我地要搬去隔離屋住~~~~~~~ 執野雖然好麻煩，但係如果執到d好玩o既野，就真係幾好。 我地係執野o既過程中搵到好多好珍貴o既野，例如我婆婆套褂、我太公o既表、我以前畫o既畫、舊式黑膠唱片等等，呢d都係一d依家好難搵得到o既野（我o既畫除外），搞到好多野我地都唔捨得dum。

今日終于叫做搬曬所有野過去隔離屋啦~~~~~~~~好攰呀~~~~~~~~~~