~星期五同星期六o既聖靈恩膏特會~

呢個星期五，我地小組去咗參加總堂搞o既《聖靈恩膏特會》。其實平時我地每一年只會去總堂一次，就係每一年聯合崇拜o既時候，所以其實我係唔識去總堂gar....好彩約埋成班組員一起去~~~~~ 不過到咗星期六，因爲好多人都唔得閑去，結果我唯有自己一個人去，不過感謝神o既帶領，我冇行錯路，可以號順利係特會開始前15分鐘就到個度。

呢兩晚o既聚會都好好，牧師同我地講有關靈恩派同福音派o既分別，同埋講解點解我地要用方言(Tongues),同埋其他屬靈o既恩賜，好似預言、異夢、異象同埋受感説話等。其實呢d野我係以前新加坡教會就已經學過，不過係一個好好o既機會俾我refresh自己o既memory。係星期六個晚，牧師講完之後，要我地嘗試去練習受感説話呢個恩賜，佢要我地7個人圍一個圓圈，之後其中一個人企係中間，其他人就開始圍住個個人黎行，行到有人嗌停o既時候，邊個對住中間個個人就要講一d有關個個人o既野（ o甘呢個當然係呢覺得神要你講咩啦），不過牧師話明我地可以錯，所以個個都要講。好驚，雖然我本身係有呢個恩賜，以前一都試過幫人祈禱o既時候受感動對個個人講一d野，但係要我o甘樣，我都係第一次。不過都真係一個幾好o既練習，因爲個時你個人真係會好留心o甘聼神要同你講o既野，同埋你係會知道呢樣野已定係由神而黎，因爲我地根本就唔識得個個人（因爲牧師要我地同唔同堂o既人一齊做呢個練習），所以真係會睇到神o既帶領。